Sukoon...

main chalta raha khud se door .. chhod purane raaste
sabse juda ho chaal meri..kuch aisa muda har mode pe

chu lun har ek diwaar
koi kona anchua na ho
suljha lun har ek jaal
koi dor uljhi na ho

bina ruke, bina thame, har patthar pe naam likhta gaya
mita nahi kahin naam mera..kuch aisa rang tha siyahi me

ghutan bahot nahi khuli hava
dhul bhari har kone me
upar uthne ko yahan
gir gaya hun ghadde me

samakar sara samandar..apni pyas badata gaya.
haarta raha jab jab main jeeta..ki chain nahi hai chaandi me

noor koi mil jaae..
andhera door ho jaae.
bahot bheed hai yahan chaaro or..
ek shaant kinara mil jaae..

chal pada..chhod khud ko peeche..
ab apna bhaar saha na jaae..
bas jhoot joda hai ab tak
kuch yaar sachha joda jaae..

girte hue ko mila sahara..khuch aisi teri baanhe hain..
ghut-te hue ko mili hava...khuch aisi teri saanse hain..

pagal main bhaga idhar udhar
paane ko jo nashwar hai
dhund raha tha mandir kidhar
jab tera pyar ishwar hai..


main jaga raha raat raat bhar
par soya tere aanchal me

main ladta raha shor se harpal
or sangeet mila teri payal me..


main ghira raha darr se harpal
mehfoos hua tere haathon me

main bechain raha astitva se apne
par sukoon mila teri bahon me..

Panna...

ki gir jata hai haath se wo murjhaya hua panna...



puri umar samet ke, ek panna wo likh na saka
ki udhar ke palon me usne likha ek tarana
budhi ungliyon ke beech me jab laathi wo pakad na saka
dil ko dawaat me daal likha ek fasana...


"

TUTI THI NAAV JAB SAAGAR KE BEECH ME
TAIRAK WAHAN BAHOT THE, LOGON KI BHEED ME.

BHAAG RAHE THE CHHEEN SAHARA KINARE KI OR WO
KI CHHOD DIYA THA TUJHE SAGAR KI GOD ME

EK TARAF KINARA, eK TARAF TU
BAHOT SAAF HAI NAZARA DHUNDHLI AANKHON KI KAID ME

LAD AAYA MAIN WAHAN, KHADI MAUT THI JAHAN
KI CHEEN AAYA NIVALA, MAIN BHOOKE SHER KE MUH SE

TAIRA MAIN TAIRA, BAHOT DAIR TAK TAIRA
HAATHON MAIN TU OR BADAN PAR KUCH GHAV THE

KINARE NE KABHI ITNA NA TARSAYA
PAR BACHANE KO TUJHE HUM DIL SE MAJBOOR THE...

AGLE DIN JAB AANKH KHULI, CHHAYA ANDHERA DOPEHRI KI DHOOP ME
CHEER RAHI THI KAAN AWAAZEN ,KI BACHA LAYA THA "WO" TUJHE LEHRON KI CHAPET SE..
RO RAHA THA HAR EK AANSU KHUN KI TASVEER ME
KI SIMATI HUI THI TU WAHAN, USS BACHANE WALE KI GOD ME

"

rukti saanso ko baandh kar samay se ladta raha
bina palaken jhapkae wo panna dekhta raha
koi pahocha de ye khat uss tak shayad yahi ab usne maanga
par kho jaata hai bachhe se sabse pyara wo khilona
zindagi bereham hai, ki gir jaata hai haath se wo murjhaya hua panna...
ki gir jaata hai haath se wo murjhaya hua panna!!!!